تبيها اصلية نحي اللحم و ديري جزر و شوي بطاطا للقوام او ديريها بيهم كل عادي ❤️
هي انواع و انت وشنو تحبي تضيفي وشنو تحبي تنحي ... كل وحدة وليها نكهتها
لحم بالعظم
بصل
طماطم طازج
ثوم
ملح
بهارات لحم
لوسا(بزار)
زعتر
مستكة
فلفل اخضر حار
زيت
وقطعة شحم حيواني للنكهة (ما نحب السمن)
عدس أحمر
ماء ( كل ما نحس المرق قرب ينشف نضيف شوي لعند انا نحدد القوام اللي نحبه)
نحمر البصل و اللحم في الزيت يتحمروا و نحط الطماطم الطازج المفروم مكعبات و نضيف الملح و نخليهم يتسبكوا شوي مع بعض بعدين نضيف باقي المكونات مع الماء
اول ما المكونات تغلي و تعطي نكهتها نشيل الاعشاب و اللحم نحطه ع جنب، ولو حابينها حمرا شوية نضيف معجون طماطم علب و نفرمهابمطحنة الشوربة و نضيفلها اللحم اللي شلناه منها و فص ثوم مفروم ثاني و فلفل أخضر حار و كمون ، و نخليها تاخذ غلوة ففط و نقدمها
