كيف نحسن صورة عندي , متلا صورت صورة و لقيت فيها شي مش حلو زي متلا صورة مبنى و خلفه سماء السماء كانت باهته و بلا سحب , ممكن نجيب صورة سماء من النت و نقصها و نركبها ع الصورة الاصلية ونعدل درجة لونها و اضائتها بما يتناسب مع الصورة اللي بنركبها عليها , وهالشي ممكن في ابسط الاشياء بما اننا نحبوا تصوير الطعام و الاكسسوارت و الخ ممكن نديروا نفس الشي المهم الفكرة
حبيت نقلكم ع الأداة السحرية بما اننا اتفقنا اني نحكي على برنامج ادوبي فوتوشوب cc لكن ممكن نلقوا هالأداة في عدة برامج مش بس فيه هو ، عادة الأداة يكون اسمها
healing tool
و ايقونتها عل شكل شريط طبي للجروح يعني اسم على مسمى !
شنو وظيفتها هالاداة ، ببساطة تصلح العيوب زي ما في الصورة تحت متلا في منظر مش حلو قمامة او شوائب مفسدين المنظر او اي عنصر ما نبيه في الصورة ، هالأداة بمجرد ما نضغط بيها ع مكان الشوائب تخفي الشوائب و تعطي للبقعة الممسوحة خواص المكان القريب منها زي متلا هنا الرمل حطاته مكان الشوائب ، هلبا استعمالات لهالاداة خصوصا جماعة تصوير الوجوه و المناسبات ...
إزالة عيوب الوجه كالتصبغات و البثور (لكن إزالة الشامات و معالم الوجه الاصلية أعتقد حرام) ، إزالة الظل في الصور ، إزالة الإنعكاس لصورنا على الملاعق و احنا نصوروا ، إزالة بقعة في ثوب او خدش في الكاميرا يطلع في الصورة ، إزالة شوائب الأشياء بصفة عامة سواء صدأ او حشرات او اسلاك كهرباء في منظر طبيعي ... الخ .
الأداة هذه , ممكن تنفع في هلبا أشياء زي متلا صورة فيها اسمي بالانجلش و حسيت حرف نازل شوي او مش في موضع صح ممكن نصلحة بالاداة هدي , لو متلا نصور في كوب جنبه كوب تاني و حسيت انه افضل لو كانوا ابعد شوي ع بعض , الأداة هدي تحل المشكلة و هكذا .
بناءا على طلب احدى المشرفات بالمنتدى صممت هذا الدرس الذي هو الأول لي...كنت أضع التصميم النهائي كتوقيع فحثتني على وضع خطوات التصميم في قسم الفوتوشوب كتشجيع لي اولا ومن ثم تسجيل فكرة التصميم بإسمي في المنتدى ثانيا ولكسر الالصمت الطويل لي في المنتدى...صممت اثنين واظن بأني وضعت الأسوأ في المنتدى وكانت المحاولة الثانية للدرس أفضل فوضعتها بالمدونة...
فقط شكرا لكل من يأخذ بيدي حتى وان لم يكن يعرفني سوى من بضع ردود أو مواضيع...
