اضغط على الصورة لرؤيتها بجودة أفضل 

الطريقة في الفيديو 👇

اليوم وصفتنا وصفة ليبية تقليدية
و هي وصفة الهريسة الليبية و لكن نوع خاص من الهريسة الليبية و يسمى بالمعجونة الليبية
و نسميها المعجونة الزاويَّة لإشتهار أهل مدينة الزاوية بيها

اول شي في كمية زيت وفيرة نقلي البصل المجفف في الشمس على نار هادية و التقليب المستمر

بعدين نشيله و نحطه مفرود بعيد على بعضه عشان يبرد كويس

نرجع للزيت نحط فيه كمية طماطم معجون ضعف كمية الفلفل المفروم
نخلي الطماطم ينقلى في الزيت كويس جدا مع التحريك بإستمرار
نضيف الفلفل الأحمر المفروم ولو عندي طماطم مجفف و مفروم نضيفه انا هنا ما حطيتش

نضيف فلفل أحمر بودرة إختياري
مع ملح حسب المذاق نزيد او نقلل

نفتت البصل بيديا بهالشكل و نضيفه

نضيف ثوم مهروس
نخلي كل المكونات على نار هادية لعند نتأكد ان كل الماء الموجود في اي مكون تبخرت تماما ، مع التحريك كل شوي .

خلاص جهزت المعجونة الليبية نخليها تبرد و نحطها في علب زجاج معقمة و محكمة الإغلاق و نحتفظ بيها في الثلاجة و الكمية المتبقية في الفريز