فرش مكياج ايشادو man fel
مايو 22, 2019
و الله لا عرفته اسمهم مان فل ولا نوعهم ولا شنو بالضبط , المهم قصتهم اني دخلت للمحل و شفت منهم أكداس كلهم لما قريت عليهم صنع في الصين , جيت لفرش ظلال العين و كانو هالفرشتين أفضل شي في الدستة , فتحت و جربتهم ع ايدي بلا ظلال مشيتهم ع كف ايدي من برا , ناعمين و شعيراتهم متناسقة قلت خلاص ناخدهم , سألت ع السعر قلي الوحدة ب3 دينار ليبي , نعم ؟
ما تغير رأيي و اعتبرت انهم صينيات هو سبب رخصهم و قلت و الله لو يطع شعرهم مأخوذ من شقيف نفسه مش ح نتراجع ع شراءهم
خديتهم و روحت و انا فرحانة بيهم لأنهم عز الطلب
اول شي الصورة اللي تحت مقربة هلبا لذلك مبين حجمهم أكبر من وصفي ليهم , السهم الأول لرأس الفرشاة , خرافي في التحديد , ينفع لتمويه الظلال تحت الجفن السفلي دون خوف ان المساحة تكون كبيرة , لأن كل ما تحركتي بالفرشاة يمين و يسار تنظَم الشعيرات لبعض و تتركز عند راس الفرشة يعني المساحة صغيراااااه سهلة التحكم
هدي الفرشاة لما نحركها تلِم ع بعضها و تكون مدببة مع كل حركة
السهم التاني اللي بالصورة الأولى يوضح ان الفرشاة فيها إنحدار ,يعني تنفع تحطي بيها ظلال الجفن العلوي و تدمجي بيها في مساحات صغيرة تعطيك دمج درجته قوية
الفرشاة التانية ما صورتها بروحها , لأنها نفس الاولى عدا ان ما فيها الإنحدار .
ممكن جدا تقصي راس الفرشاة بمقص و تصبح فرشاة دمج .
الفرش واضح انهم ولا شي و لا ليهم اي صدى ولا ايتها حاجة , لكن العبرة من التدوينة , إن مش لازم يا ناخد ماركة معروفة يا لا , التجربة دائما خير برهان , و لكم في برايمر ايسنس 😑 اللي شريته خير برهان .
0 التعليقات
أكتب تعليقاً على هذا الموضوع و سيتم نشره فور مشاهدته