جوع اخر الليل يذل ! لا تقدر ادير شي مقوم و تستناه يطيب لا تقدر ادير شي سريع و حلو خصوصا لو الخبزة في الفريز مستحيل بتستناها طالما منتهي بالجوع 

درت مكرونة احلى من مكرونة المستشفى بشوي 🤭

يعني بصراحة طعمها جا زي اندومي لا تعرفه حلو لا مش حلو 

طبخت المكرونة في مية مع بهارات التاجوري (حرارات)

و فلفل اخضر حار و لما قريب طابت حطيت فص ثومة مهروس خدا غلوة ، صفيت المكرونة و ضفتلها جبنة (لعل و عسى اديرلها جو تخليني نبلعها و ما قويت قلبي في الجبنة برضو الواحد مش ضامن حاجة 😬) و عطيت هديكا الرشة السحرية بتاع البهارات (مه المنظر ابيض ف ابيض قصدي ما تجيش في الخاطر بكل )

المهم يعني نشكر الفلفل اللي غطى ع العك و خلاني ما نركز هلبا و نحس اني شبعت ، و نصيحة من كل هالقصة هدي

عمركم ما ادسوا الخبزة في الفريز و انتم بتسهروا ، الدنيا فيها وفيها 🙄