мίss я∂н∂ƒ

السلام عليكم

بسبب تأثر المطبخ الليبي بالمطبخ الإيطالي

تلقى الليبيين بارعين في المكرونة و البيتزا 

هم احد الشعوب اللي نكهة المكرونة عندهم مستساغة لعدة شعوب اخرى يعني بهاراتنا مقبولة مش متطرفة ! يعني مش زي الاكل الهندي لا ، بهارتنا مقبولة لعدة شعوب سهل تقبلها

و البيتزا عندنا ليها مواصفات خاصة و قيود و نكهات معينة مش اي بيتزا ممكن نحبها كشعب ليبي ، حتى مع المطاعم مش اي مطعم ممكن ينجح في البيتزا لهالسبب لأن اللي شغال في المطعم هل يتقن الطعم اللي يفضله شعب ليبيا او لا مع احترام كل الاذواق ، لكن الليبيين انتقائيين جدا في البيتزا ، و بخصوص البيتزا فيه نوع مشهور في ليبيا نادر تلقاه في مطابخ تانية بنفس الاسم او الشكل او النكهة 

وهو ( البيتزا المطبقة او البيتزا ساندوتش )

وليها طرق مختلفة منها في فرن حجري ومنها فرن منزلي و منها على الحطب و لكل نوع نكهة و عجينة مختلفة

اختلاف عجينة الي ع الخطب انها تكون دقيقها ازيد شووية

و اجمل بيتزا مطبقة هي اللي تكون من مطعم فيه فرن حجري و معلم مزج مكونات و عجين هش 

الصور لبيتزا مطبقة على الحطب ، اللي في الفرن الحجري ألذ منها بالنسبة ليا 💗

والفرن الحجري ليس التنور في ليبيا ، التنور الليبي للخبز و الكعك مثلا ... لانه يكون عمودي .

ملاحظة : البيتزا ليست اختراع ليبي ولا عربي لكن طورها وابتكر فيها  المطبخ الليبي لكثرة استهلاككها و تأثرهم بالذوق الايطالي .