اول شي تكون في مكان مهجور والحق يقال كانك انت والعويله بس والله الا يرفعك الوالد لمكان حلو

لكن كان دخلو عمامك والا خوالك ف القصه معناها خودها للصحرا الكبرى...يدورو بينا ساااعات واحنا عاد النسون ساكتات ما عندنا ما نقولو الدومان بيد من!!!

المشكله والقهره يفوتو بيك بجنب اماكن روووعه ويفوتوها ويقولك شني...اهنا هناك ناس!!!!اياه؟؟؟تي الناس مالهم ومالنا ريتش هالعجبه ال بيشوفوها تي ماكم مغمغمينا قريب الخمار نلبسوه الناس على شنو بتشوف ترا قلي؟؟؟

والله الا تووووت بجديات

ما علينا ...نزلنا ف مكان ناشف يابس من عهد التتار والرجاله مشوا يفنصوا والنسون يطيب

يا عليك حال والله...

نزلت العاله متع الشاهي ال ما نشوف فيها كان من الرحله للرحله...وهي عباره عن براد يحشم...و حكة شكلاتة زعميتك حافظة سكر...ماهو شني النسون اللي هدي تقولك لا يا كبدي نرفع حافظة السكر باش يكسروهالي؟لا يا ودي

مع العلم ان حكة الشكلاته ديما ترجع سليمه وما خاصتها حاجه

هدا عدا الملح اللي ف حكة حبوب وماشيه الحكايه

اما السفره ع الاغلب ح تكون غلاق سطل ووالله الا بجد راه غير اهنا هدي ال جت قدامي وصورتها ما هي هدي للرجاله والنسون الليبي يحب يدلدل هلبا يعز الراجل و يوطي روحه...

والفوضى هدي حدث ولا حرج قشور بطاطا ف سفرة شاهي...ومااااشيه...قولوا باه وخلاص

المهم طابت المبكبكه وصار فيها العراك ع الحكاكه والحرج والبكى ور حتى النسون تهاوش مع بعضه

............

توا زعميتك النسون بيتدهور

كيف بيتدهوروا...

وهما طالعين ع اساس غدوا رجالتهم وتفكوا

-اسمعي يا مرا ارفعي ولدك معاك........ترفعه وهي تتبكبك واتلتل ف هاكا الولد...وهو الراجل عاد نافخ ريشه قدام الرجاله ع اساس انا صاعب الجو ال يمرض هدا تعرفوه...بعدين يقلها:

-اسمعي يامرا من غادي شباب فوتوا من هكي....باهي يانفخ ع اساس انتم مشيتوا بعيد ع الشبابات

-اسمعي يا مرا ما تبعدوش قريب نروحوا....لكلك يا حنه

ويتدهورو النسون تدهويرة العازه وطبعا كان ماشيين معاهم بنات ف سني بيصير فيها المسحححححححح !...كان شافلنا واحد ولا تكلم بالك يسكتوا؟لالااااااع احنا نسونا أبضايات كيف عاد...تبدا عاد:امشي ف حالك والاسطوانه ال تبكي اهيا....واااااااااااااااااااااااااه تبدي انتي تغطي ف زجهك وخلاص ما عنك ما بديري

تي ماهو اسكتي الهم عاكسني انا وانا سكتت انتي شن علاقتك الهم الاحرف والا لازم مظاهر التخلف اهيا قدام الكل

هو مزال هلبا لكن لاش الفضايح اكتر من هي سلام